ՃՏՊ պատահարներ
Տրամադրում ենք իրավաբանական աջակցություն ճանապարհատրանսպորտային պատահարներից բխող քրեական, վարչական և քաղաքացիական գործերով։
Ծառայություն 09 · Անհատներին
Ինչով ենք օգնում
- Պաշտպանություն ՃՏՊ-ների վերաբերյալ քրեական գործերով – Իրականացնում ենք վարորդների և այլ մեղադրյալների պաշտպանություն նախաքննության ու դատական քննության բոլոր փուլերում։
- ՃՏՊ-ից տուժած անձանց իրավունքների պաշտպանություն – Ներկայացնում ենք տուժողների և նրանց իրավահաջորդների շահերը՝ ապահովելով իրավունքների պաշտպանությունն ու վնասի հատուցման պահանջների ներկայացումը։
- Ճանապարհային երթևեկության կանոնների խախտումների վիճարկում – Բողոքարկում ենք վարչական տուգանքները, պատասխանատվության ենթարկելու և վարելու իրավունքից զրկելու վերաբերյալ որոշումները։
- ՃՏՊ-ի մեղավորության և պատասխանատվության վիճարկում – Վերլուծում ենք պատահարի հանգամանքները, ապացույցներն ու փորձագիտական եզրակացությունները՝ վիճարկելով չհիմնավորված մեղադրանքներն ու պատասխանատվության պահանջները։
- Ավտոտեխնիկական փորձաքննություններ – Ապահովում ենք փորձագիտական եզրակացությունների իրավական գնահատումը, անհրաժեշտության դեպքում նախաձեռնում լրացուցիչ կամ կրկնակի փորձաքննություններ։
- Գույքային վնասների հատուցում – Ներկայացնում ենք տրանսպորտային միջոցների և այլ գույքի վնասման հետևանքով պատճառված վնասների հատուցման պահանջներ։
- Առողջությանը պատճառված վնասի հատուցում – Աջակցում ենք բուժման, վերականգնման, կորցրած եկամտի և օրենքով հատուցման ենթակա այլ վնասների փոխհատուցման գործընթացում։
- Ապահովագրական վեճեր – Պաշտպանում ենք վստահորդների շահերը ԱՊՊԱ և ԿԱՍԿՈ ապահովագրական հատուցումների մերժման, նվազեցման կամ վճարման ուշացման դեպքերում։
- Ապահովագրական հետադարձ պահանջների վիճարկում – Վիճարկում ենք ապահովագրական ընկերությունների կողմից ներկայացված անհիմն կամ ոչ իրավաչափ հետադարձ պահանջները։
- Դատական և արտադատական կարգավորում – Վարում ենք բանակցություններ, ներկայացնում փոխհատուցման պահանջներ և ապահովում վստահորդների շահերի պաշտպանությունը բոլոր իրավասու դատական ատյաններում։
- Մեր մոտեցումը – Ճանապարհատրանսպորտային յուրաքանչյուր պատահարի հիմքում փաստեր են, որոնց ճշգրիտ իրավական և փորձագիտական գնահատումից կարող է կախված լինել մարդու ազատությունը, պատասխանատվությունը կամ վնասի հատուցումը։ Մենք յուրաքանչյուր գործով իրականացնում ենք ապացույցների մանրակրկիտ ուսումնասիրություն և մշակում պաշտպանության արդյունավետ ռազմավարություն՝ ձգտելով հասնել արդարացի և իրավականորեն հիմնավորված արդյունքի։