ՄԵՂԱԴՐՅԱԼԻ ԼՌՈՒԹՅԱՆ ԻՐԱՎՈՒՆՔԸ

Ամփոփագիր

ՀՀ քրեական դատավարության օրենսգրքով նախատեսված որոշ դատավարական գործողությունների իրականացման համար անհրաժեշտ է մեղադրայլի համաձայնությունը, որոշ դեպքերում մեղադրյալը կարող է պահպանել լռություն։ Այլ է իրավիճակը վաղեմության ժամկետն անցնելու հետևանքով քրեական հետապնդումը դադարեցնելու դեպքերում, երբ անձը պահպանում է լռություն, այսինքն պոզիտիվ կամք չի արտահայտում։ Սույն հոդվածի շրջանակներում մեր կողմից քննարկվում է անձի լռության և իր դեմ մեղավորության հաստատմանը չաջակցելու հետ կապված որոշակի հարցեր ինչպես նաև վաղեմության ժամկետներն անցնելու հետևանքով քրեական հետապնդումը դադարեցնելու առաջարկի վերաբերյալ անձի լռությունը՝ պոզիտիվ կամահայտնության բացակայությունը այն համատեքստում, թե արդյո՞ք նշված իրավիճակներում մեղադրյալի լռությունը քրեական հետապնդումը դադարեցնելու համաձայնություն է, թե՞ ուղղակի անգործություն։